Vieiros

Os habitantes de Nova York estarán a incumprir a lei cada vez que pronuncien a palabra "negro". Porén, máis alá do rexeitamento social que puidese provocar, os que decidan introducila no seu vocabulario non terán ningún problema legal en usala cantas veces lles veña en gana. Malia que o concello da cidade aprobou unha norma que prohibe o seu uso, esta non contempla sanción algunha para os seus infractores.

Uso retranqueiro da palabra
Durante moitos anos a "N-word" (palabra N), tal e como é popularmente coñecida nos EUA, foi utilizada polos mozos afroamericanos para se referir uns aos outros, mais cunha importante dose de retranca. Porén, a maioría dos líderes da comunidade negra sempre rexeitaron o seu uso en calquera que fose a situación e o contexto.

A resolución do concello neoiorquino foi presentada a proposta do edil Leroy Comrie, con motivo da celebración do Black History Month (Mes da Historia Negra). Este manifestou que o significado da "N-word" derivou cara unha única connotación negativa, que implica odio e ira, e iso "xa non ten marcha atrás".

Poden ampliar a información no New York Daily News.