Vieiros

"O país de Camões, de Eça de Queiroz, de Amália Rodrígues, de Miguel Torga, de Álvaro Siza, de Manuel de Oliveira, de José Saramago e de tantas outras grandes figuras universais segue a ser hoxe, se cadra dun modo máis evidente e sistemático que nunca, un laboratorio de propostas creativas de altísimo interese", expresou Touriño na presentación desta Mostra que conta coa colaboración da Xunta, así como do Instituto Camões e da Fundación Caixa Galicia.

Entre os filmes proxectados: "O espelho mágico" de Manoel de Oliveira, "Odete" de Joao Pedro Rodrigues, "A costa dos murmúrios" de Margarida Cardos, "No quarto da Vanda" de Pedro Costa, "Um tiro no escuro" de Leonel Vieira e "Manô" de George Felner. A mosrta fotográfica, co lema Olhar inquieto, ollares cruzados, inclúe traballos de autores como Helena Almeida, Fernando Lemos, Jorge Molder ou Gérard Castello-Lopes. A escolma pretende non só facer visión xeral da fotografía portuguesa, senón tamén "dar a coñecer as experiencias persoais e colectivas que marcan a teoría e a práctica fotográfica nacional e internacional, conxugando obxectivos pedagóxicos, sociais e artísticos".