O cine protagoniza o último tramo do ‘outono’ dedicado a Julio Cortázar
Exposicións, debates e un ciclo de cine son as principais actividades coas que a Secretaría Xeral de Comunicación, que dirixe Fernando Salgado, está a homenaxear a figura do escritor Julio Cortázar durante os meses de outubro e novembro. Logo da presentación da exposición ‘Ler imaxes’ e do libro ‘Un (Re)Encontro con Galiza’ será o cine e os coloquios os que tomen o protagonismo nesta recta final do ‘Outono Cortázar’.
No marco do ciclo de filmes inspirados na obra do autor de 'Rayuela', proxectaranse durante os próximos días películas como ‘Sinfín’, ‘Cortázar, apuntes para un documental’, ‘Furia’, ‘París-Marseille’ ‘Jogo subterraneo’ e ‘A vida secreta das palabras’de Isabel Coixet.
Será precisamente a directora catalá quen peche o 28 de novembro xunto con Ramón España os coloquios dedicados ao autor co debate ‘Escritores e cineastas’.
Dúas semanas antes, o 16 de novembro Claudio Rodríguez Fer, Francisco Fernández Naval e Xosé Luís Axeitos reflexionarán na sede da fundación Caixa Galicia de Santiago sobre a relación de Cortázar con Galiza.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto