Tom Montero, despois de varios anos deleitando aso compostelás coa súa voz e guitarra en pubs tan míticos como o Modus Vivendi, decidiu marchar a vivir a Mallorca. Pero non pensa deixarnos sen despedirse por todo o alto, e nestes momentos, o cantautor está de xira por Galiza. Estamos a tempo de velo (e escoitalo) este xoves, a compostelá Casa das Crechas, o venres na Taberna da Cancela (en Xil, Meaño), ou o sábado no saló parroquial de Ponteareas. Por último, o mércores 22 estará no pub coruñés Garufa, e despedirase definitivamente o xoves da vindeira semana, 23, na Fábrica de Chocolate, en Vigo.