Vieiros

Entre eles estarán os cinco primeiros clasificados de A polo ghit: a Banda Potemkin, coa súa Kalindra Xida; A banda da Señorita e Tomasa, e A ruta do colesterol; The Homens, que interpretarán Sandra Dee; Guezos, con A das festas, e o gañador, o músico coruñés Pulpiño Viascón, que presentará diante dos telespectadores da Galega o seu premio: o videoclip de In the ocean, elixida canción galega do verán 2006.

O concerto estará presentado por Belén Regueira, do programa Extrarradio, da radio autonómica, que estará acompañada dos membros do xurado Nonito Pereira, Xil Ríos, Mónica Ares e Pía de Tolomei.

Ademais das actuacións musicais, poderemos comprobar a graza coa que diversos personaxes famosos interpretan algúns dos ghits máis coñecidos deste verán e coñeceremos a historia de cancións galegas que foron éxitos estivais.

Un consello: poñede os vídeos a gravar se non podedes estar espertos a horas tan intempestivas.