Vieiros

Unha das voces que escoitamos todas as tardes nas crónicas do Diario Cultural da Radio Galega é agora a protagonista da noticia: Xiana Arias (Fonsagrada, 1983) é xornalista, reside en Compostela, e Poemas nas ortigas é o seu primeiro poemario. Con el acaba de gañar o XIX Premio Xosé María Pérez Pallaré de Poesía. No xurado estaban María do Cebreiro, Medos Romero (recentemente premiada) e Mario Regueira (gañador da convocatoria anterior con Tanxerina). Todos destacaron a fluídez e frescura da linguaxe e a coherencia do texto, con referentes como Max Aub, Adrienne Rich, Miguel Hernández ou Antón Reixa.