Edipo chega á sala Yago
A compañía Novedous representa dende esta noite na sala Yago, en Compostela, a traxedia grega Edipo, de Sófocles. A montaxe poderase ver o xoves e o venres ás oito e media do serán, o sábado 25 ás dez e media da noite e o domingo ás sete da tarde. A obra está dirixida por Jouse García e protagonizada por Xabier Deive, Lois Soaxe e Gena Baamonde.
Nun ton radicalmente diferente, o actor cómico Pedro Brandariz presenta no pub The Dog's Bollocks, na Coruña, o seu espectáculo Pai Noso, Padre Nuestro, ás dez e media da noite. Na obra encarna o personaxe dun sacerdote que ironiza e polemiza sobre o mundo relixioso dende un punto de vista humorístico.
En Lugo estase a celebrar até o martes 28 o terceiro festival de teatro Clásicos do Século XX, no auditorio municipal Gustavo Freire. A oferta desta noite é unha conferencia a cargo de Cristina Domínguez, directora do Centro Dramático Galego, ás oito e media do serán na sala Sargadelos da praza de Santo Domingo. De volta na capital galega, no cartel da sala Nasa continúa até o sábado a obra O Alemán, de Diego Anido.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto