Noite de festa dos editores galegos
Os editores galegos celebran este sábado en Pontevedra a súa festa gremial. A partir das nove e media da noite comezará no Salón Nobre do Liceo Casino a segunda Noite da Edición, na que se entregarán os premios da AGE. No decurso da gala, Isaac Díaz Pardo será nomeado presidente de honra da asociación, e o editor Sabino Torres Ferrer, responsábel de Hipocampo Amigo recibirá o premio á edición histórica galega. Ademais, entregaranse outros seis galardóns, dos que até o momento só se coñecen os finalistas. Aspiran ao Ánxel Casal ao libro de 2006 Feísmo, publicado por Difusora de letras; O bosque dos raposos aforcados, de Rinoceronte; O suxeito postmoderno, editado por Galaxia; Os libros arden mal, de Xerais, e Terra e nostalxia. Galicia rural, de Baía.
Do mesmo xeito, repartiranse o premio Lois Tobío á mellor tradución, o Isaac Díaz Pardo ao libro ilustrado do ano, o Xosé Neira Vilas ao mellor infantil e xuvenil, o Francisco Fernández del Riego á cooperación no labor editorial e o Xosé María Álvarez Blázquez ao autor de 2006.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto