Música galega de Nadal
As cantigas tradicionais de Nadal son o argumento de dous traballos discográficos que se acaban de presentar no noso país. Ultreia, Pilocha, Tino Baz, O Fiadeiro, Uxía Senlle, Guadi Galego, Miguel Costas, Malvela e moitos outros artistas participan no libro-disco-DVD O Quiquiriquí, unha proposta que recolle as tradicións do Nadal en Galiza. O libro, de 64 páxinas, analiza os costumes do noso país durante o final de ano, ademais de información sobre os temas incluídos no disco. Ademais, o DVD contén un documental no que se repasan as tradicións do nadal galego e mais unha reportaxe sobre o proceso de elaboración do disco. O traballo está editado por PAI música, coa colaboración da Dirección Xeral de Creación e Difusión Cultural e a Asociación de Gaiteiros Galegos.
As cantigas populares de Nadal son tamén o contido do CD Canto de Nadal, do grupo compostelán de música antiga Resonet e a discográfica Ouvirmos. A produción contén seis pezas de música popular galega interpretadas pola soprano Mercedes Hernández, acompañada de instrumentos de corda tocados por Fernando Reyes e a percusión de Trinidad de Miguel e Richard Rivera. Os arranxos correron a cargo de Nemesio García Carril, o padre Manuel Feijoo e Fernando Reyes. A gravación realizouse no Museo das Peregrinacións de Compostela.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto