O fotógrafo galaico-hondureño Xacobe Meléndrez Fassbender está a expoñer a súa colección As mans do vento no centro sociocultural e xuvenil O Ensanche, na compostelá rúa de Frei Rosendo Salvado. O autor, que se caracteriza polo seu compromiso coa ecoloxía e por amosar a contradición entre o home e a natureza, foi o gañador do terceiro premio do certame artístico do Ministerio de Medio Ambiente do ano 2006. As súas fotografías pódense visitar de luns a sábado, de dez a dúas e de cinco a nove até o 12 de xaneiro.