Vieiros

Corenta vilas e cidades do país participan no programa Curtas no Nadal, da Consellería de Cultura e Deporte. A iniciativa prevé a proxección de sesenta curtametraxes até o 20 de xaneiro, coa intención de promover o xénero da curtametraxe ao tempo que se dan a coñecer novos creadores audiovisuais. A maioría das obras que se van amosar pertencen a profesionais galegos, que verán, deste xeito, como se difunden unhas producións que adoitan ter dificultades para a súa distribución.