Vieiros

Vinte e cinco anos despois, Siniestro Total volven ao lugar no que deran o seu primeiro concerto: o Cine Salesianos de Vigo. O 27 de decembro de 1981, naquela primeira época da movida, tocaran no Festival Nadal Rock xunto aos grupos Trabalhadores do Comércio e SA. Agora, outro 27 de decembro ás dez da noite, pero do 2006, a banda viguesa, cun cuarto de século enriba, volverá facer vibrar ao público no mesmo sitio que daquela. Os prezos tamén cambiaron: 12 euros a entrada anticipada e 15 no despacho de billetes.