Vieiros

Galia Blanco presenta o mércores a súa mostra PoPsTales na sede do Centro Social Caixanova en Vigo. A exposición forma parte da serie Agropop e novas tecnoloxías, e está composta por pinturas de cores planas, brillantes, nas que se mestura a estética pop co mundo rural e inclúe referencias cinematográficas. A obra da artista, licenciada en Xornalismo pola USC, pódese visitar até o 18 de febreiro. O mesmo día preséntase na sede da Fundación Caixa Galicia na Coruña o libro O corazón das cidades. Cascos históricos de Galicia, editado con Lunwerg Editores e que amosa imaxes das zonas vellas do noso país a través da cámara do fotógrafo Xurxo Lobato.