Vieiros

Vieiros de meu Perfil


Máis Alá

Xestionado por Vieiros
RSS de Máis Alá
O GRUPO SACA UN NOVO DISCO DEDICADO AO POETA CHAIREGO

A estrela que guía a Milladoiro: Manuel María

Un dos grupos referenciais do folc galego homenaxea ao poeta da terra dous anos despois do seu pasamento. Acaba de chegar ás tendas de discos Unha estrela por guía, que reúne dez cancións e outra a modo de "bonus track". Algunhas das Cancións do Lusco ao Fusco, ou dos Sonetos á casa de Hortas saen dos libros de Manuel María e sonnos transmitidos agora a través da música de Milladoiro e a voz da ferrolá Laura Amado, que xa colaborara en varias ocasións nos espectáculos en directo do grupo, e dos membros do grupo Ruote.

- 11:31 06/02/2007
Tags:

"Adentrarse (sic.) no universo poético de Manuel María é botar a andar nun labirinto que percorre a complexidade existencial, vital, ideolóxica, dun home, dun poeta que fai dos misterios da alma lúcida metáfora na sinxeleza, diríamos hoxe no minimalismo, dun verso: Só unha estrela por guía". Así presenta Milladoiro o seu novo traballo. A formación, con case trinta anos de existencia, chega así ao seu vixésimo disco. O disco xa foi presentado o ano pasado no Pazo da Cultura de Pontevedra, e agora gozaremos do seu repertorio no primeiro concerto de Sons da Diversidade, o próximo 24 de febreiro no Auditorio de Galicia. Despois comezará unha xira por Galiza, Brasil, Holanda e Bélxica.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: