Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ROSALÍA NACEU EN PADRÓN EN 1837

A nai das nosas letras fai 170 anos

A efeméride da publicación do seu libro Cantares Gallegos é o Día das Nosas Letras, o 17 de maio. Pero nos últimos anos cada vez hai máis interese por celebrar o día do nacemento de Rosalía de Castro, o 24 de febreiro. O mesmo día que Vieiros fai once anos, cúmprense 170 do nacemento da figura referencial da nosa literatura. Varias institucións celebran este aniversario por todo o alto.

- 09:15 24/02/2007
Tags:

A Fundación Rosalía de Castro comezou unha serie de actos o xoves, cunha mesa redonda no Instituto que leva o nome da poeta, en Compostela, acerca do poema 'A xustiza pola man', de Follas novas. Na casa da autora , a Matanza, en Padrón, tamén foi celebrado o venres 23 un recital colectivo do alumnado de varios centros de estudo.

Entre os actos arredor deste día, vanse publicar o poema Vente, rapasa, dentro da colección Tres pitas brancas orientada á infancia. Outra das series de publicacións do Centro de Estudos Rosalianos, que depende da Fundación, leva precisamente o título 24 de febreiro e está dirixida polo profesor Xesús Alonso Montero.

Á celebración dos 170 anos do nacemento de Rosalía de Castro súmase tamén a Consellería de Cultura. Este departamento da Xunta de Galicia editará un caderniño monográfico gratuíto sobre a escritora, que se distribuirá nos centros de ensino e na Rede Pública de Bibliotecas.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: