Vieiros

Xa obtivera o IV Premio Raíña Lupa da Deputación da Coruña en 2002, e agora, esta novela de Neira Cruz figura entre os dez mellores libros destinados a mocidade do mundo. O Banco do libro escolleu esta novela entre as cinco traducións, que, xunto con outros cinco libros en castelán, integran a lista dos dez mellores na categoría de xuvenil. Por outra parte, hai unha lista dos dez mellores no ámbito da literatura infantil, e a sección "Os tres imprescindíbeis da biblioteca".

Xosé Antonio Neira Cruz (Compostela, 1968) é un dos autores de libros dirixidos a público infantil e xuvenil máis relevantes do panorama galego actual. Licenciado en Filoloxía Italiana e en Ciencias da Información, obtivo o premio Merlín en 1989 por Ó outro lado do sumidoiro, o seu primeiro libro publicado. Logo apareceron outros como Melanio e os paxaros e Os gatos de Venecia. Gañou en dúas ocasións o premio Barco de Vapor con Valdemuller e Os ollos do Tangaleirón. Entre a súa produción destacan outros títulos como O armiño dorme, A memoria das árbores e O xenio do sultán. Actualmente é responsábel das coleccións infantil e xuvenil de Editorial Galaxia.