Vieiros

O Concello dera vía libre aos dous proxectos sen contar co informe de avaliación ambiental estratéxica, que lles é requirido a todas as actuacións urbanísticas que non fosen aprobadas definitivamente antes da entrada en vigor da Lei do Litoral. A Dirección Xeral notificou ao concello que iniciarán accións legais de non cumpriren co requirimento de anulación do plan parcial do complexo residencial de Magor, na parroquia de Noalla. O Concello ten até o 22 de xullo para cumprir coa petición.

Esta resolución foi emitida o 21 de xuño, e agora prevese unha semellante para Montalbo. Medio Ambiente dispón de 15 días para pedirlle ao goberno local que revogue o acordo adoptado en maio. De non ser así impugnaría o proxecto de Montalbo perante o Contencioso-Administrativo.

A alcaldesa, Catalina González, apuntou que os servizos xurídicos municipais están a analizar o requirimento da Xunta, e que hai varias posibilidades. Lembrou que estes proxectos non son os únicos afectados pola Lei do Litoral.