Vieiros

O DOG deste luns publica a quinta edición das axudas do Consorcio Audiovisual de Galicia á promoción de producións audiovisuais a través da rede. A iniciativa conta cun orzamento total de 80.000 euros.

Segundo explica o Consorcio, o plan pretende que as produtoras galegas poidan competir en condicións de igualdade na web coas producións estaodunidenses, que dominan as salas cinematográficas.

O prazo da convocatoria, que está aberto até o 1 de decembro, cubrirá até o 40% do presuposto da web. Nas anteriores catro convocatorias saíron beneficiadas das axudas 41 webs, que superaron as 200.000 visitas.

As bases da convocatoria están dispoñíbeis na web do Consorcio.