Vieiros

O xulgado de primeira instancia da Haia sentenciou esta quinta feira que a ONU ten inmunidade no proceso polo xenocidio de Srebrenica, en 1995, enclave baixo protección de cascos azuis holandeses, e do que esta fin de semana se conmemoran 13 anos con diversos actos.

No seu fallo, os xuíces decláranse "sen competencia" para aceptar a parte da demanda -hai outra interposta contra o Estado holandés- dunhas seis mil nais por non protexer aos preto de oito mil varóns musulmáns asasinados tras un ataque serbobosnio, no contexto da guerra de Bosnia.

Para chegar á súa conclusión, os xuíces analizaron o artigo 105 da Carta das Nacións Unidas, referido á súa inmunidade, e contrastárono con convencións como a de Xenocidio ou a Convención Europea de Dereitos Humanos e Liberdades Fundamentais.