Vieiros

"Creo que na sociedade actual fáltanos filosofía. Filosofía como espazo, lugar, método de reflexión, que pode non ter un obxectivo concreto, como a ciencia, que avanza para satisfacer obxectivos. Fáltanos reflexión, pensar, necesitamos o traballo de pensar e paréceme que, sen ideas, non imos a ningunha parte". Este extracto dunha entrevista na revista Expresso en outubro de 2008, é a última anotación que pode lerse na bitácora na rede de José Saramago, introducida esta sexta feira pola Fundação José Saramago.

Tal e como informa a propia Fundación, Saramago morreu ás 12h30 na súa residencia de Lanzarote, aos 87 anos de idade, "consecuencia dun múltiple fallo orgánico, após unha prolongada doenza. O escritor morreu estando acompañado pola súa familia, despedíndose dunha forma serena e tranquila".


Para ampliar:

• Público: Morreu José Saramago
• Expresso: O adeus dun simbolo portugués
• Jornal de Noticias: A última entrevista de Saramago no JN
• Diario de Noticias: Morreu José Saramago
• Na web do Instituto Camões
• Na wikipedia portuguesa
• Discurso de recollida do Premio Nobel (1998)