Vieiros

Miradas e perspectivas diferentes ás que Hollywood nos ten afeitos. Neste mes inzado de propostas a través de toda Galiza (o festival de Ourense, Cineuropa en Compostela), Silleda non queda atrás. Alladís quixo homenaxear a uha das grandes figuras do cinema español, que nos deixou este ano: Joaquim Jordá. Autor de documentais tan esclarecedores e impactantes como Mones come la Becky ou De nens, sobre a manipulació do caso Raval, poderemos ver agora Veinte años no es nada, proxectado vinte anos despois de Numax presenta, sobre as protestas na fábrica. O cineasta ofreceu unha das perspectivas máis lúcidas sobre a realidade barcelonesa.

Outros filmes destacábeis foron o transgresor Hard Candy, que estivo en CIneuropa o ano pasado, a impresionante Paradise now, o drama dos terroristas suicidas visto dende dentro, L'enfant, sobre a paternidade prematura dunha parella moi noviña, até Happiness, unha aceda comedia sobre a busca da felicidade.
Programa:

• 17:30 Veinte años no son nada (España, 2005)
• 19:37 L'enfant (Francia-Bélxica, 2005)
• 21:22 Paradise now (Francia-Alemaña-Holanda-Israel, 2005)
• 23:15 Happiness (EUA, 1999)
• 01:39
• Hard Candy (EUA, 2005)
• 03:32 Filme sorpresa